కుంచె కొంచెం

క్రొక్విల్ కథ

2012-01-27T19:12:00.003+05:30

నిజానికి ముని సురేష్ పిళ్ళై గారి ఈ కథకు ఏడుతరాలు సినిమా తీసినంత బొమ్మవేయాలి , సం హౌ కథ బయట బ్లాక్స్ కనిపించినా అంతర్లీనం గా మరేదొ వుంది ..... దేవుడు క్రొక్విల్ అనే బళ్ళేన్ని స్రుష్టించి వుండకపొతే నేనిలా గియ్యగలిగి వుండేవాణ్ణా??

నొముల సార్ కొ నమస్కారం!

2012-01-27T18:24:00.000+05:30

నొముల సర్ అన్ టొల్డ్ లెసన్స్ అనే పేరుతొ సంవత్సరం క్రితం ఒక పుస్తకం వచ్చింది, పుస్తక రెండొ ముద్రణయ్యి రెండు నెలలయినా పుస్తకం చదివి ఉలికి పడిన బాపతులుగాని , ఆనందపడిన బాపతులుగాని, నలుగురు కలిసినపుడు ముచ్చట పడిన బాపతులు గాని ఎక్కడా ఆనలేదు ,
అరుదైన ఆ లెసన్స్ చదివి నేను ఆనందపడ్డాను, లోక భీకరమయిన ఆ చదువుచూసి నేను ఉలికి పడ్డాను, ముళ్ళపూడి వెంకట్రమణ లాంటి పెద్దల తొ ముచ్చటపడ్డాను, నాకు చేతనయింది ఎప్పటికీ చేత రానిది ఆయన బొమ్మమీద పడ్డాను .

తొలిదేవర భానుమూర్తి

2011-12-08T10:25:00.001+05:30

ఒక భానుమూర్తి, నా ఖాకీ నిక్కర్లవయసునుంచి తెలంగాణా చదివించిన తొలిదేవర, రాతల్లొకారికేచర్ రాస్తడని ఆయన అనుకుంటడు , గీతల్లొ కారికేచర్ చూపించినని నేననుకుంటున్న.

మాల్గుడి నారాయణ - మల్లెల రమణా రెడ్డి

2011-10-20T22:39:00.001+05:30

పది సంవత్సరాలకు వెనుక వొక నెల అటొ ఇటొ - అమీర్ పేట్ విజయ టవర్స్ లొ ఆర్టిస్ట్ మోహన్ గారి బల్ల మీదొ బుక్ డమ్మి "రెక్కలు చాచిన పంజరం" ఫ్రెంచి నవల పాపిలాన్ కి అనువాదమది, అన్ని మామూలు డమ్మీల్లాగ లేదది, 80 జీ యస్ యం ఎక్స్ బాండ్ పేపర్ ప్రింట్స్ తొ చేసిన బౌండ్ - కవర్ పేజి కోసం వచ్చింది. ఫ్రెష్ గా వచ్చిన వుద్యొగం ఫ్రెష్ గా పొయిన సవాలక్ష దినాల్లొ ఒకటి , ఏక్ దమ్మున పుస్తకం లాగించి అలానే కూచుండి పొయినా, దేవుడా!! ఇదేమి అనువాదమండి !! మల్లెల రమణా రెడ్డి గారి పేరు అంతకు ముందు వినలే, ఎవరైనా వినిపించినా వినిపించుకొలేదేమో?

అంత ఉక్కిరి బిక్కిరి చేసిన ఆ నవల అప్పటికీ అది మొదటి భాగమే- దాన్ని ముగించడానికే ఏడేడు పద్నాలుగు సంవత్సరాలు పట్టిందని ముందుమాటలొ చేప్పాడు ఆయన , మరి రెండొ భాగం?? తలుచుకుంటే దిగులేసింది , ఇంతొటి పాపిలాన్ పేరు వినకుండానే పాతికేల్లు గడిపేసా, పూర్తి చెయ్యడానికి మరొ పద్నాలుగేల్లు ఆగాలా!

మొదటి భాగం ఆవిష్కరణ రొజు వచ్చింది, పుస్తకం కవర్ చూస్తే చిరాకెత్తుకొచ్చింది, ఆర్టిస్ట్ గారు ఆయన చిన్నతనం లొ చదుకున్న పాపిలాన్ నే బుర్ర లోంచి దింపారు గాని ఎంవి రమణారెడ్డి వూపు అందులొ ఏమీ లేదు, పుస్తకం లోని రమణా రెడ్డి గారి ఫొన్ నెంబర్ లాగి ఆయనకు చేప్పా, పుస్తకం కవర్ ఏమీ బాగా లేదు, రెండొ భాగం కవరైనా కాస్త చదుకున్న మంచి ఆర్టిస్ట్ తొ వేపించమని, ఆయన మెత్తగా నవ్వారు "అట్లనా ,చూద్దాం, చేద్దాం" అని.
రెండొ భాగం వచ్చేదాకా ఆగేదెట్టా? పాపిలాన్ సినిమా సంపాదించి చూసేశా, మోహన్ గారు కవర్ పేజీ ఒక్కటే చెడ దొబ్బితే స్టీవ్ మెక్విన్ సినిమా మొత్తం చెడ దొబ్బేశాడు ( పాపిలాన్ కన్నా నెవడా స్మితే నయం).

మరీ పద్నాలుగేళ్ళు ఆగకుండానే 2003 లొ రెక్కలు చాచిన పంజరం రెండొ భాగం వచ్చేసింది , మళ్ళీ మొహన్ గారి కవర్ పేజీతొ , బహుశా అది మంచి ఆర్టిస్ట్ లకు, మంచి మాటలకు కాలం కాదనుకుంటా ఎవరూ వినిపించుకొవట్లా.

కాలం ఎప్పట్లాగే గడుస్తూస్తూస్తూ 2011 మే నాటి మధ్యాహ్నం వొక బేనాం నంబర్ తొ ఫొనొచ్చింది " అన్వర్ గారు నేను రమణా రెడ్డి ని నా కొత్త పుస్తకానికి కవర్ పేజి వేసివ్వగలరా"? అని.... హమ్మయ్య ఇన్నాళ్ళకిన్నాళ్ళకు రెడ్డిగారికి ఒక చదుకున్న మంచి ఆర్టిస్ట్ దొరికాడు.

సినిమా ఓ సినిమా.....

2011-06-11T19:10:00.001+05:30

పది పన్నేండేళ్ళ క్రితం బర్త్ ఆఫ్ ఆఫ్ అ నేషన్ తొ ప్రారంభమయ్యింది ఈ పాషన్, వూరికి చాలా దూరాన వుత్తరాన కాపురం, హరి హర కళా భవన్ లొ సినిమాలు, బైస్కిల్ థీవ్స్,బాటిల్షిప్ పొటెంకిన్, ఆంద్రె రుబ్లెవ్, 400 బ్లొస్, జూల్స్ అండ్ జిం... ........ సాయంకాలం గడిచాక వూరికి దూరంగా వున్న వుత్తరానికి వెళ్ళడానికి అయిదురూపాయలకోసం చేతులు అర చేతులు చాచుకుని నిలబడేవాన్ని....
ఈ రొజు జేబు నిండా చాలా అయిదు రూపాయలున్నాయి, అరలనిండా, సాం పెకింపా లు, ఫెల్లినిలు, జాన్ ఫొర్డ్ లు, స్టాన్లి కుబ్రిక్ లు, ట్రూఫొ లు, రొమన్ పొలన్స్కి లు, యసుజిరొ ఒజు లు వున్నారు.... కాని , అతి ముఖ్యమైనదే ఏదొ మిస్సయింది.

సత్యజిత్ రే ని గీయడమెలా?

2011-06-01T10:31:00.005+05:30

                                                    సత్యజిత్ రే నే కాదు రేమండ్ చొని గీయాలన్నా ధారాళమైన గాలీ వెలుతురు గల ప్రదేశము, వీపు వంపు కు అనుగుణమైన కుర్చి, దాని ముందొక బల్ల, మనలొసగం విశాలమైన అట్ట, మంచి కాగితం, పెన్సిల్లు, రంగులు, కుంచెలు -వివిధ పరిమాణాలవి , శుభ్రమైన బట్ట ఒకటి, మరియు నీళ్ళు ( ఈ మధ్యే బాలి గారు బొమ్మలేయడమెలా అనే వ్యాసం ఒకదానిలొ రంగుల బొమ్మలేసేటపుడు డిస్టిల్డ్ వాటర్ వాడాలని పేర్కొన్నారు, డిస్టిల్డ్ వాటర్ పేరు తెలీకుండా ఇన్నాల్లు బొమ్మలెట్టా వేసినామురా స్వామి!! ) బొమ్మ సరిగా రాకపొతే కన్నీళ్ళు అది వేరే సంగతి .... లాటి సరంజామా ఏమి అఖ్ఖర్లేదు, కావాల్సిందల్లా మీకొ సెల్ ఫొన్ .
                                              సినిమా కళ పూనిన సిద్దారెడ్డి వెంకట్, కత్తి మహేష్, అరిపిరాల సత్యం గార్ల లాంటి వాళ్ళకు దాని నంబర్ తెలిసివుండాలి, వుండటంతొబాటు అప్పులు అవీ చేసి ,మంచి పుస్తకాలు గట్రా వేసి, బతుకు యూసుఫ్ గూడ బస్టాప్ చేసుకొవాలనే బలీయమైన కొరిక కూడా మీదు ముఖ్యంగా వుండాలి.
                                                  రేటు విషయం రాగానే మనం ఖాలీగా పడి వున్న మన వేళ్ళన్ని చూపిస్తాం( నాకు భగవంతుడికి ఈ విషయంలొనే పేచి -కొంతమంది పుణ్యాత్ములకు చేతికి ఆరు వేలు ఇచ్చినట్టు నాకెందుకు ఇవ్వలేదని?) వచ్చింది ముగ్గురు కాబట్టి కాస్త తర్జన భర్జన పడి బతిమాలొ, బల ప్రయోగంవల్లొ మనం చూపించిన వాటిలొ కొన్ని వేళ్ళు మూసేస్తారు, మనంకూడా ఓ వెర్రి నవ్వు వొలకబోసి సరే మీరు కాబట్టి అని ( మీరు కాబట్టి ఎందుకొ!! మేమేమి క్లాస్మెంట్సుమి కాదు, రూమ్మేంట్స్మీకాదు, కలిసి దమ్ము కొట్టలేదు,మందు కొట్టలేదు, కనీస ఖర్చు లేకుండా ఏ అమ్మాయికి కన్ను కొట్టింది కూడా లేదు) వొప్పేసుకుంటాం.

పేపరు ,పెన్సిల్ ఆన్ని అశాశ్వితం గురూ! బొమ్మలు వేయాలంటే వేళ్ళు కావాలి మిత్రమా! వేళ్ళు , వేలు, వేలు, వేళ్ళు...... ఆసక్తి ,ఉత్తమాభిరుచి గల నిర్మాత లెవరైనా నన్ను సంప్రదించవచ్చు.
( బొమ్మలొని మిగతాభాగం నవతరంగం వారు సమర్పించు సినిమాలు మనవీ వాళ్ళవీ నందు చూడవచ్చు)

వస్తారా నావెంట వీదుల్లొకి .......

2011-05-21T19:02:00.004+05:30

వస్తారా నావెంట కాగితం పైకి కుంచెచుక్కుని, కొన్ని సిరా వీధుల్ని వొంపుదాం...పెద్ద కష్టమేం కాదు కాస్త వూపిరి బిగపట్టాలి, వేళ్ళల్లొ వేగం వుంచాలి, కాల్లు భూమ్మిదే వుండాలి, మూతికి మీసాల్లేకున్నా పర్లేదు, ముని వేళ్ళకుంటే చాలు, బుర్రున సాగే స్కూటరు, బిర బిర నడిచే సాయబు, గాలికి వూగే జుత్తు,కమ్మగ నవ్వే లడికి ని పట్టేయడానికి .
మరి వస్తారా నావెంట వీదుల్లొకి కుంచెచ్చుకుని.

త్వరలో (ఎంత త్వరలొ?)

2011-03-03T13:28:00.002+05:30

త్వరలొ అచ్చబొతున్న నా కార్టూన్ల పుస్తకం లోంచి కొన్ని..........న్లు, ముందస్తు బుకింగ్లు ఆనందంతొ ఆహ్వానించబడును, డబ్బుల అవసరం అట్లా వుంది మరి

ఏ గీతకైనా రాత వుండాలి!

2011-02-16T20:05:00.001+05:30

ఆఫీస్ నుంచి ఇంటికి ఇరవై నిముషాల దూరం... ద్రైవింగ్ కాకుండా ఇంకేం చెయ్య వచ్చు? రాబొయే కొత్త కార్టూన్ గురించి సబ్జెక్ట్ వెతకవచ్చు ముందునించి వెల్తున్న బండి నెంబర్ ప్లేట్ పై నంబర్ లోంచి ఐడియా తీయవచ్చు , బస్టాప్ దగ్గర సెల్ ని చెవికి మెడకు మధ్య ఇరికించుకుని పగలబడుతున్న వగలాడి పొజుని కాంపొజీషన్లొకి లాగవచ్చు, బొమ్మలగురించి, లైను గురించి చీమ తలకాయంత కూడా తెలిని జర్నలిజం జీవుల మీద బూతులు పొవచ్చు, చేస్తున్న పని మీద విరక్తి రావచ్చు,
తెలుగు కతని, పత్రికా ప్రపంచాన్ని శపించి ద్వేషించి అలిగి దూరంగా వెళ్ళిపొయి పెయింటింగ్ పేరిట వేయి రూపాయల నొటు బొమ్మ జిరాక్స్ తీయ బుద్దేస్తుంది " దీనమ్మ బొమ్మలని...... " అని దీవించి ఇంట్లొ వాలి వాలగానే చార్కొల్లు ,పేస్టల్లు, ఆక్రిలిక్కులు ని దండం పెట్టుకుని వాటితొనే జీవితం అని డిసైడించేస్తాం, మరి ఇంట్లొకి వెళ్ళి వెళ్ళగానే చేసేదేది??
సింగిల్ షీట్ పైన స్కెచింగ్, స్కెచింగ్ , స్కెచింగ్ ఇంకొంచెం మోర్ స్కెచింగ్ .!!!
బొత్తిగా బాగుపడని జన్మ అంటే ఇదే మరి.

ఎనభయేళ్ళ యవనవ్వనం

2011-02-14T04:07:00.001+05:30

ప్రియమైన రమణ గారికి,
మునుపు నేను పెన్సిల్ తొ, పెన్ను తొ, పేస్టల్స్ తొ, వాటర్ కలర్స్ తొ, చార్కోల్ తొ పొర్ట్రైట్ లు వేసి వున్న్యాను గాని కడుపు మంటతొ వేసిన ఒకే ఒక బొమ్మ మీదే దాక్టర్లు దీనికి హైపర్ ఎసిడిటి అని పేరు పెట్టారు , అదంతా సొంత వ్యధ. A poor craftsman blames his tools అంటే అన్నారు గాని , బాండ్ పేపర్ సరిగ్గా రావట్లేదండి ఎంత వళ్ళు దగ్గర పెట్టుకున్నా మాట విననంది బొమ్మ ... ఈసారికిలా, మళ్ళీసారికిలా రాకుడా చూస్తా.
-నమస్కారాలతొ అన్వర్".
గత సంవత్సరం జూన్ లొ రమణ గారు విక్కడే వున్నారని గుర్తు, ఆయన పుట్టిన్రొజు కోసం సీతారామరావు ,బి యస్ గారితొ వ్యాసం వ్రాయించి దానికి వేసిన బొమ్మ వొరిజనల్ని పంపిస్తూ జత పరచిన గిలుకుడు పైది ... పావు గంట తరువాత ఆయన దగ్గర్నుంచి ఫొన్ వచ్చింది గాని దాంతొ మీకేం సమ్మ్మంధం లేదు , ఇన్నాల్ల తరువాత మళ్ళీ సారికి వేసిన రమణ గారి బొమ్మ కుదిరిందనే భ్రమ .

తెలుగు కథామ తల్లి

2011-02-09T11:45:00.001+05:30

తెలుగు కథను బుర్రలొ వుంచుకుని పెన్సిల్ ఆడిస్తే వచ్చిన బొమ్మను తెలుగు కథామ తల్లి అనవచ్చునా? ఏమో! ఎవరైనా నరరూప రచయితలనుకనుక్కొవాలి .

ఐతే మాత్రం , బంగారం లాంటి నిద్ర....

2010-12-31T09:03:00.000+05:30

చంద్రహాసం

2010-12-20T19:08:00.000+05:30

రీలు డబ్బా కథ

2010-12-19T22:37:00.002+05:30

ఇద్దరు కుర్రాల్లు కలిసి వాళ్ళు కొంటె అనుకున్న పనొకటి చేశారు, దాని తాలూకు ఫలితం అనుభవించాల్సిన గుడ్డాయన అన్న పలుకులివి "ఒరే దొంగ నాయాళ్ళారా , ఆ రీలు పొతే ఎమవుతుందొ తెలుసా? వీళ్ళ నాయన నన్ను ఉద్యొగంలోంచి తీసేస్తాడు. ముగ్గురు పిల్లల్రా నాకు, ఒక దానికి కాళ్ళు లేవు, పొలియో. వచ్చే జీతంతొ ఒక పూట తినడమే కష్టంగా వుంది. ఇది కూడా పొతే............................

- రచన - మహర్షి

మార్నింగ్ షొ

2010-12-19T22:20:00.000+05:30

ఒక బండరాయి అత్మ కథ

2010-12-19T21:35:00.000+05:30

పురాగానం

2010-12-19T20:49:00.002+05:30

కొతికి ఎటు పారిపొవాలొ అర్ధం కాలేదు. ఎటు చూసినా పరిగెత్తుతున్న జనం. పారిపొలేని పిల్లలు నలిగి పొతున్నారు.పెట్రొలు కంపు ... మనుషులు కాలుతున్న వాసన. ఆడవాళ్ళు చంటి పిల్లల్ని గుండెలకు హత్తుకుని పిచ్చెక్కినట్టు అరుస్తున్నారు, పడిపొతున్నారు,కాలి పొతున్నారు. కొతిని నలుగురు వ్యక్తులు చుట్టుముట్టారు , "ఎవర్నువ్వు? హిందువా? ముస్లింవా?: కొతి వింతగా చూసింది. "నేను కొతిని" వణుకుతూ చేప్పింది. "ఎవరైతేనేం" కర్రలు గాల్లొకి లేచాయి , తల మీద పడుతున్న దెబ్బని తప్పించుకొవడానికి పిల్లి మొగ్గలేసింది , ఒక కాలిపై బలంగా దెబ్బ పడింది 'ఫట్ మని ఎముక విరిగిన చప్పుడు. అదవి లొని తల్లి గుర్తు వచ్చింది తరువాత ఏమి గుర్తు లేదు.

జి ఆర్ మహర్షి వ్రాసిన పురాగానం లోని ఒక పేరా ఇది. ఏమని చెబుతాం ఈ కథ గురించి, ఒకే వారం లొ నేను చదివిన మూడు అద్భుతమైన కతల్లొ రెంటికి బొమ్మల్లొ నా గొంతు విప్పే అద్రుష్టం కలిగింది .

బాపు 77

2010-12-14T21:08:00.001+05:30

ఏమనుకొరు కదా!!

2010-09-20T09:15:00.002+05:30

సుబ్బు లక్షమ్మ బొమ్మ వేసినందుకు, ఆవిడ వూరి వారు కాని ,వీధి వారు కాని , వారింటి జామచెట్టు దొడ్లొ వాలిన వారు కాని ఏమి అనుకొరుకదా! పరాయి రాష్ట్రం వాడివి అక్కడి బొమ్మలే వేసుకొవాలి అక్కడి గురించే వ్రాసుకొవాలి, ఎక్కువ మాట్లాడితే అస్సలు నంద్యాల్ ,నూనెపల్లి బార్డర్ దాటి గీత గీయరాదు బిడ్డా అనికూడా హితవు వస్తుందేమొ.

ప్రీతీష్ నంది లేడుగా......

2010-09-13T17:43:00.003+05:30

నిజానికి ఈ బొమ్మ, తల్లి పిల్లాడి దగ్గర ఆపినా పూర్తవుతుంది, జనాన్ని చూపిస్తే బావుంటుంది, ఆవిడ వొంట్లొని ఆకుపచ్చరంగుని పొడిగించి చెట్టుచేమలు గా లాగించి అడవి లొకి కన్వర్ట్ చేస్తే బ్రమ్హాండం. ముందునడుస్తున్నవాడి ముందుగా ఒక పెద్ద చెట్టు లేపి పక్కనుంచి విలాసంగ లాగిన కొమ్మ మీదుగ బెదిరిన పక్షి రెక్కల్నుంచి బొమ్మ కంపొజ్ చెయ్యవచ్చు, ఆ చెట్టు మొదల్లొని గడ్డిదుబ్బలొంచి పాకుతూ బైటికి వచ్చే నాగును చిత్రించవచ్చు, ఎంతైన చూపవచ్చు , ఏమైనా గీయవచ్చు, అంత స్కొపున్న బొమ్మ ఇది. అయినప్పట్టికి ఎందుకు గీయం అంటే , బొమ్మ అచ్చు అయ్యేది సాటర్ డే ఈవినింగ్ పొస్టొ, ఇలస్ట్రేటేడ్ వీక్లీనొ కాదుగా , "నువ్వెయ్యి గురు, నే చూస్కుంటా" అనడానికి ప్రీతీష్ నంది లేడుగా......

ఐడియాలిద్దువు గాని రా...

2010-09-13T17:23:00.002+05:30

"ఆ కార్టూన్ చూడగానే బలె నవ్వొచ్చిందండి , మీకు ఈ ఐడియా ఎవరు చెబ్తారండి ?"
"ఐడియా నాదేనండి"
ఐడియా మీదేనా !! అబ్బా , మరి బొమ్మ ఎవరిదండి ?"
ఎక్కడికి పొయి చస్తే ఈ దరిద్రం వదులుతుంది...
పాపం జనానికి కార్టూన్లు చూడ్డం, వాటినిగురించి పట్టించుకునేంత ఆసక్తి శక్తి వుండవు గాని ఒకవేల అటువంటి వైపరిత్యమే కలిగి నాలాంటి అమాయకుడు దొరికితే ఎదురయ్యే ప్రశ్నే ఇది.
పేపరాపీసుల్లొ కార్టూనిస్టులకి ఐడియా లిచ్చే ఒక ప్రత్యేక గ్రూపుకి జీతాలిచ్చి మరీ ఏర్పాటు చేసి వుంటారని ఒక అపొహ జనులకు ,,, సరస్వత్తొడు , నిజ్జెంతొ అట్లా చచ్చినా వుండదు . ఒక్కొసారి మామూలు స్థాయి కుళ్ళు కార్టూను కూడా తొచక " ఒక ఐడియా చెప్పు గురూ" అని ఎవరినైన తట్టితే 3 గంటల యానిమేషన్ ఫిలిం కు సరిపడ్డ స్టొరి చెబుతారు , పైగా నవ్వుతారు .మేం మామూలుగానే ఏడుస్తాం.

ఇచ్చట రోజూ స్కెచ్చబడును

2010-07-31T16:05:00.001+05:30

"ఏటి సేతన్నారు" అనడుగుతాడు బమ్మిడి జగదీశ్వర్రావు, మామేటి సేత్తాం, కొత్తగా ఇంకేటిసత్తాం, కొంతమందైవితే మా బుక్కు గొప్పా? ఈ బుక్కు గొప్పా - మీ మతం గొప్పా? మా దురద గొప్పా - నా సెల్లు కొత్త ,నీ సెల్లు సెత్త అని బీపీలు తెచ్చుకుని సత్తారు. మీమెప్పుడూ ఒకతే సేత్తాము ,స్కెచ్చుతాము.......సచ్చేవరకూ స్కెచ్చుతూనే సత్తాం.

పెన్నమ్మ కథలు

2010-07-30T13:18:00.000+05:30

కథ కథకొ బొమ్మ , కవర్ కొ బొమ్మ , ఖాతాలొ ఇంకొన్ని బొమ్మలు.

ఎడమ నించి కుడికా కుడినించి ఎడమకా??

2010-05-30T15:28:00.001+05:30

రచయిత గారు వ్రాసేశారు, ఆ అమ్మాయి డీటీపి కొట్టెసింది, కథొచ్చి వన్ డాట్ ఫాట్టీ లొ పడింది...
చిత్రకారుని సౌలభ్యం కొసం రచయిత జంధ్యం ఏపక్క నించి ఏపక్కకొ ఫుట్ నొట్స్ ఇవ్వలేదు(ఇవ్వాలనే రూలూ కూడా లేదనుకొ) , బొమ్మయితే వేసేశాం. ఇంతకీ జంధ్యంఎడమ నించి కుడికా కుడినించి ఎడమకా??

చెప్పడానికి ఏవుంటుంది చూడ్డానికైతే ... కుంచె కొంచెం.

2010-05-30T15:17:00.002+05:30

కుంచెం దాహం

2010-05-17T11:53:00.000+05:30

జీవితం పాకెట్ కార్టూలొకి కుచించుకు పొతుంది., కథకు బొమ్మ బేరం తగిలి యుగాలయినట్టుంది, వారం అటుగా ఇటుగా రెండు కథలు వచ్చాయి. బొమ్మలు కూడా కుదిరాయి.

ఒక రచయిత - కథ - బొమ్మ

2010-05-01T11:39:00.006+05:30

2003 ఆంధ్రప్రభ దినపత్రికలొ ఎడిట్ పేజీలొ డైలీ కాలం, సొమనుండి శని వారం వరకు కే ఎన్ వై పతంజలి,ముక్తవరం పార్థ సారధి,సతీష్ చందర్, యాజులు, నందిగం క్రిష్ణా రావు, కాశీభట్ల వేణు గొపాల్ గార్లవి అందరి రచనలకు బొమ్మలు కుట్టే పని నాదే , అంతకుమునుపు వరకు ముక్తవరం గారి పేరు వినలేదు ( ఎందుకు అంటే అదివేరే కథ) ఆయన అబద్దం అనే కాలానికి వొకదానికి జంకు గొంకూపడకుండా బుద్ది గ్నానం లేకుండా "జీవితం అబద్దం ,మన బతుకు అబద్దం ,ఈ పేపరు అబద్దం అందులోని రాతలూ శుద్ద అబద్దం " అనే వ్రాతలతొ బొమ్మ వ్రాశా . ఛీఫ్ ఎడిటర్ ఏబీకే గారు శభాష్ అన్నారూ , గురువులు వాసుదేవరావు గారు మహా శభాష్ , వాసుగారి ద్వారా ముక్తవరం గారు ఇంకా ఇంకా శభాష్ అన్నారు. మా ఇర్వురి పరిచయం మొదలు.
ఇంటికి ముక్కుసూటిగా బండి నడపకుండా లెఫ్టుకు కొట్టి ఆపై రైటుకు కోస్తే కనిపించే అపార్ట్మేంటులొ 310 లొ మా ఇల్లు అన్నారు .ఆయన ,వసంత గారు ఇంకా లెఖ్ఖకు మించిన పుస్తకాలు వేలాది వేలల్లొ అలమారల్లొ, కుర్చిల్లొ , టేబుల్లమీద, పంఖాల కింద ఆయన వళ్ళొ .. ప్రపంచ సాహిత్యాన్ని నాకు తెలిసిన సర్కిల్లొ ఇంతొటి చదువుకున్న మరొహరు లేరు ,ఇకపై నాకు దొరకరు.
2003 ప్రభ తరువాత మళ్ళీ ఇన్నాల్లకు ఆయన రచనకు బొమ్మ వేసే అవకాశం దొరికింది.

పథేర్ పాంచాలి

2010-04-19T18:12:00.001+05:30

పథేర్ పాంచాలి గురించి చిన్నప్పట్నుంచి వింటున్నదే చూళ్ళేదు, చదివాను, చదివాకా రే పై రే అంత ఎత్తు గౌరవం పెరిగింది పథేర్ పాంచాలి ఎలా తీశారు అని కాదు అసలలాంటి నవలని సినిమాగా తీద్దామనుకునే ధైర్యం గొప్పది .
వొజుకీ , మైఖల్ హెనెకెకి మధ్యలొ పథేర్ పాంచాలి నాకేసి చూస్తుంది , చూడాలనిపిస్తుంది కాని చూసే ధైర్యం లేదు , దుర్గ చావుని పుస్తకంలొనే చూళ్ళేము మళ్ళీ విజువల్ గా కూడానా...?

బొత్తిగా ఇష్టము కాని పని

2010-04-07T13:23:00.001+05:30

కార్టూన్లు ఆస్సలస్సలుమన్నికయిన పని కాదు మనకి ఎందుకూ అంటే పదేళ్ళ కిందటి పునరుత్థాన ఆంధ్రజ్యొతి ఆదివారము నాటి మొదటి సంచిక చూడుడు నేను వ్రాసిన రెండు పేజీల గ్నానము కనబడును, అది చదివి మనస్సు నొచ్చుకున్నవారి సంఖ్య తక్కువేమి కాదు , మన పైత్యము కొద్ది జీవులనలా జీవహింస అలా భాద పెట్టరాదనే హితవుకొద్ది ఆ రహస్యాలేవి బయట పెట్ట దలచుకొక .....

పొర్ట్రైట్ కి ఆరు మెట్లు

2010-04-06T17:09:00.000+05:30

ఇప్పటివరకు డజనొ వందొ మొహాల మీద చేయి చేసుకున్నప్పటికీ పొర్ట్రైట్ లు వెయ్యడం బలే చావు నాకు (మర్యాద కొసం అలా అంటున్నానేమొ గాని ఏం వెయ్యాలంటే చావు కాదు నాకు పైగా బ్లెస్సెడ్ కాక పొతి) స్కానర్కి మరీ పని లేదనుకుంటుందని వేస్తున్న బొమ్మని మధ్య మధ్య లొ స్కానిస్తే ఇలా ....

సాత్ సాల్ పెహలే

2010-03-30T19:52:00.002+05:30

ఏడేళ్ళ కిందటి బొమ్మ ఇది.....అమెరికాలొ స్థిరపడ్డ హెర్ష్ కి ఇండియన్ స్టొరీతొ ఒక సీరియస్ కామిక్ చేసి అమెరికా పైకి వదలాలని కొరిక, మనకంత ద్రుశ్యం లేదు మహా ప్రభొ అన్నా వినలేదు ... నన్ను వదల్లేదు ... వొ రెండు నెళ్ళ పాటూ నాకు బొజనం పెట్టిన బొమ్మలివి. అప్పట్లొ కంప్యుటర్ స్కానర్ వంటి సాంకేతిక పరి భాష , పని ముట్లు తెలీక, లేక పొవడం వల్ల బొమ్మలు ఏవి ఏవి స్కాన్ కాలా , అద్రుష్ట వశాత్తు ఈ ఒక్క బొమ్మ జిరాక్సు వుండింది.

వొట్టి పెన్సిల్ ని వేల్ల మధ్య ఇరికించుకుని స్కెచ్ బుర్రలొ గీసుకుని సర సర నడిపిన గీతలవి , అర్ధం కావాలంటే తల మీసాలే కాదు బుర్ర కూడాపండాలి ,గుజ్జు బొర్రనిండా పెంచడం కాదు బుర్ర లొ నిండాలి,

దేవుడి అనుగ్రహం వుండాలి.

కుండెడు రాళ్ళు ప్లీస్!

2010-03-25T17:49:00.002+05:30

టచ్ మీ నాటు

2010-03-24T19:44:00.001+05:30

పై బొమ్మ తాలూకూ హింసను అన్వర్ ది ఆర్టిస్ట్ నందు ఎంజాయింపగలరు

అకిర కురసవ

2010-03-22T11:24:00.001+05:30

టాల్ స్టాయ్ అంటే సాక్షాత్ భగవంతుడు కాదూ... అనేవారు గురువులు పతంజలి గారు. అకిర కురసవ అనే పేరును టాల్ స్టాయ్ ప్లేస్ లొ కంట్రొల్ వి కొట్టి అదే మాట అనబుద్దేస్తుంది, నూరేళ్ళ కురసవ పై ఏమైన వ్రాయ బుద్దీ వేస్తుందీ ,బుద్ది వున్నట్టు తొస్తుంది కాబట్టి మనకంత అర్హత లేనట్టూ తెలుస్తుంది . మరి బొమ్మ మాత్రం ఏ అర్హతను బట్టి వేశావు బే? అంటే అది ఉద్యొగ ధర్మం, కూలీకి కిట్టుబాటు పని .
గమ్యం, అష్టాచెమ్మా, ఆనంద్ లాంటి హుత్తమ చిత్రాలను చూడ్డానికి ఈశ్వరుడు స్రుజియించిన చక్షువులతొనే ఈరొజు దెర్సు ఉజాల నొ,యెజింబొ నొ ,ఇకిరు నొ, స్కాండల్ నొ, రాన్ నొ డ్రీంస్ నొ, సెవెన్ సమురాయ్ నొ, హై అండ్ లొ నొ చూద్దాం వీలైతే మీ చంటాడ్నొ , అమ్మణ్ణి నొ కూచొబెట్టుకొని, మరేం పర్లేదు వాళ్ళు కొత్తగా నాశనం కావడానికి ఇందులొ ఏం మిగల్లేదు.

నొ ప్రాబ్లెం

2010-03-16T11:20:00.000+05:30

బంగారమంటి భాగ్యం

2010-03-02T18:53:00.000+05:30

జాక్ లండన్ ని చదవడంకన్న ఆనందమేమున్నది? జాక్ లండన్ కథ కు బొమ్మ వేయడంకన్న అద్రుష్టమేమున్నది??

బ్బొబ్బొబ్బొబ్బొబ్బొబ్బొబ్బొ.....

2010-03-01T18:52:00.000+05:30

పద్మనాభం గారి బొమ్మ గారు

2010-02-23T11:21:00.003+05:30

ఆఫీసులొ అడుగెట్టి 12 గంటలు దాటింది, కొట్టు కట్టేసి బయుదేరుతుండంగా ఖదీర్ పొన్," పద్మనాభం బొమ్మ వేస్తావా" అని పైగా పొటొ లేదుట, గూగుల్ వాడిని అదిగితే ముమైత్ ఖాన్ గారివున్నాయట గాని ముక్కామల, పద్మనాభం ఎరిక లేరుట, నాగేష్ గారని ఆఫ్ఫీస్లొ ఒహాయన దగ్గర కంపూటర్ నిండా పాత బంగారం నిండి వుంది, అసలే పాత పుటొ పైగా సరైన రెజెలుషన్ లేదు ఐనా మనంతటివారిమి మనమే కాబట్టి ......

పొద్దుతిరుగుడు సూరీడు

2010-02-17T19:59:00.001+05:30

ఒపిక పెట్టుకుని వెయ్యాలి గాని కవిత్వనికి వేసే బొమ్మల్లొ ఎన్ని హొయలైనా పొవచ్చు గత వేసవి లొ "సూర్యుడు" శీర్షికతొ వచ్చిన ఈ కవితకు వేసిన ఈ బొమ్మను చూసి ఒక ఆర్టిస్త్ మిత్రుడుగారు ఫొంచ్చేసి " సార్ బొమ్మ బలే వుంది ఆ డ్రై బ్రష్ స్ట్రొక్ మీరూనూ , ముక్కెంగా ఆ వెనుక పొద్దుతిరుగుడు పువ్వుంది చూశారూ "...............

శ్రీ దాసరి సుబ్రమణ్యం - కొన్ని ప్రయత్నాలు

2010-01-30T19:58:00.000+05:30

సెలవని

2010-01-18T18:54:00.000+05:30

భగవంతుదు కరుణ చూపని బొమ్మ

2010-01-16T16:02:00.001+05:30

ఒక్క బాపుగారిని ని తప్ప మరెవరిని ఆర్టిస్ట్ గా లెక్క చూడని వాడు, ఎందుకొ నా మీద దయ తలచి "అన్వరూ సంగటి ముద్దలు రాస్తునా, నివ్వె బొమ్మలు వెయ్యాలా అని అప్పుదెప్పుడొ హామీ చూపి బూస్టింగ్ చేశినాడు, నిన్నటికి మొన్న ఖదీర్ బాబు పొన్చేసి నామిని కథ లకు బొమ్మలు వెయాలబ్బా , బుక్కు వుందా, పంపించచేదా అంటే, " ఆయన మన బొమ్మలు ఎక్కడ నచ్చుతాడబ్బా, ఏ మాత్రం పొల్లు పొయినా నా మక్కెలు ఇరగ్గొట్తాడు పొయి బాపు గారి తొనొ , మొహన్ గారితొ వేపియ్ అని యాక్సను చేస్తే " అవన్ని ఇప్పుడు కాదులే , ముందు నువ్వెయ్ తరువాత నేను చూసుకుంటా అన్నాడు ఏడిచినావులె అని మనసులొ అనుకుని బొమ్మ వేయడానికి కూచుంటె ఎప్పుడు దయ చూపించే దేవుడు ఈసారి ఏ మాత్రం కనికరించలేదు ఆయనకు మాత్రం నామిని అంటె భయం వుండదా ఏమి?
ఒక్క దినం అంతా అట్టమీద వొరిగి పొయి నా నా చావు చస్తే గాని ఇంత బొమ్మ అవలేదు, ఎ మాత్రం దేవుడు కనికరం చూపని బొమ్మ ఇది, నేను నా కష్టం పెట్టి కుదిర్చిన ఆచ్చమైన నా బొమ్మ, తెల్లారి బొమ్మ అచ్చయి మార్కెట్లొ కి కూడా వచ్చేసి వుంటాది, మెట్టు తొ పీకు తాడొ , మొట్టి కాయలు వేస్తాడొ తెలీదు, జీవితమన్నాకా ఏదురీదక తప్పదు కదా స్వామి. సండె డెడ్ లైన్ వుండటం తొ ఎనిమిది నర్ర కల్లా బయట పడ్డా, సరొజిని సెంటర్ కాడ్నుంచి అహమద్ నగర్ దాకా ఒకటె పొన్ మీద పొన్ మోత - ఎత్తి చూస్తును కదా" పెద్ద నవ్వు " ఆ!! అన్వరూ,ఇంకేమి విశేషాలు , అని మళ్ళీ మళ్ళీ మురిసి పొతొన్ననవ్వు , నన్ను మురిపిస్తూ.....

ఇండియన్ వేల్యూస్

2010-01-13T18:41:00.000+05:30

నేనువేసిన వాటిలొ నాకునచ్చిన బొమ్మల్లొ ఇది ఒకటి, నా మట్టుకు కథను ఈ బొమ్మ రిప్రెజెంట్ చెసిందనిపించింది.

సాధనమున

2010-01-13T18:07:00.002+05:30

కారణాలేవైనా కాని, ఒక గురువు చెంత కాని బొమ్మల బళ్ళొ కాని బొమ్మలు నేర్చుకునే అవకాశం నాకు దొరక లేదు. బొమ్మమొదలు పెట్టే నాటికి నాకు 24 సంవత్సరాల వయస్సు , ముందుగా చెప్పినట్టు కారణాలేవైనా కాని అవమానం కావచ్చును,ఆకలి కావచ్చును,అవసరం కావచ్చును బొమ్మంటే నాకు ప్రేమతొ కూడిన కసి, వేరే దొంగ దారి లేదు బొమ్మ కావాలా సంవత్సరానికి 365 రొజులు, రొజుకు 24 గంటలు, నిద్ర లొ కూడా నేర్చుకుంటూనే వుండాలి, గీస్తూనే వుండాలి.